اسباب نجاح أي وصفه ليكي

اسباب نجاح أي وصفه ليكي 

عشان الشوربة بتاعتك تبقى خرافة اعملي الحركة دي وادعيلي بجد
🍛 بعد م اللحمة او الفراخ تستوي تاخدي البصلة اللى في الشوربة وتهرسيها بشوكة في طاسة على النار مع معلقة سمنة بلدي ورشة ملح وفلفل اسود وحمريها شوية وانزلي عليها بالشوربة
وادعووولي ع الريحة الي هتملى البيت والطعم

👍👍👍

عشان ورق العنب ميسودش منك .. لما يستوي اقفلى عليه وسيبية مقفول عليه لحد ما يبرد .. لانك لو كشفتيه بعد ما يستوي مباشرة بينشف نوعا ما و بيسود شوية

👌👌👌

 لما تيجي تعملى ورق العنب او الكرنب .. حطي في الحلة اللي هتطبخي فيها شرايح بطاطس نية طبعا في الاول خالص .. عشان المحشي ميتلسعش منك .. و لو في اي لسع تيجي في البطاطس

👍👍👍

لما تيجي تحمري البصل بتاع الكشري و عاوزاه يقرمش .. هتقطعي البصل شرايح و تجيبي كيس نايلون ( اكياس الثلاجة ).. و تحطي فيه البصل المتقطع و معلقة كبيرة دقيق ورش ملح .. و انفخي الكيس . كانك هتفرقيه زي زمان
و لما يتملى هوا اقفلية وروجي كويس . عشان الدقيق يتوزع على كامل البصل . وحمريه بقي .. هتلاقيه مقرمش معاكي و جميل

👍👍👍

لو بتطبخي بامية .. بعد ما تعمليها بالطريقة المعتادة .. هاتى طاسة صغيرة و فيها شوية ثوم مفرومين .. حاجة بسيطة يعني . لان البامية انتي اصلا حاطة في تسبيكتها ثوم .. و حمري الثوم في نقطتيتن زيت زيتون و بعد كام ثانية من التحمير . ضيفي في الطاسة شوية صغيرين كسبرة و بقدونس مفرومين فرم ناعم .. و بعدين هاتي البامية و حطيها في بايركس او طاجن فخار و طشي التقلية الي قولتهالك دي عالوش .. و دخليها الفرن عشر دقايق هتبقي احلى كتير

👍👍👍

........ لنجاح العيش الفينو والمعجنات الفرن لازم يكون حامى تقريبا 220 او اكتر والعجينه تتعجن كتير تقريبا 10 دقايق

👍👍👍

 لو عاوزة تعرفي الفرق بين البتنجان المر و البتنجان الكويس .. و انتي بتشتري البتنجاااناية و بتنقيها يا اوختشي بوصي على الزعزووعة .. او باللغة الفصحي .. الساق الخاص بالبتنجانه .. لو مايل يبقي كويس .. لو مستقيم كده و افقي الشكل .. 

👍👍👍يبقي البتنجان ده مر ( فيه مرارة )

.لا عطاء لون فاتح للحمه وهى بتتسلق بس حطى معلقه سكر صغيره هى كمان بتسوى بسرعه

👍👍👍

 سر البيتزا زى المطاعم ... 3 حاجات اولهم حطى لبن بودر بالعجين ورشه سميد على الصينيه فبل وضع العجين ورشه على الصلصه والجبنه بعد لما تستوى البيتزا اخرجها واحط الجبن

👍👍👍

سر السلطه الخضره بتاعت الحاتى قطعى البصل شرايح ورشى عليه ملح وشطه وخل وربع كوب مايه وسبيه فى التلاجه شويه

👍👍👍

سر البشاميل الكريمى ضيفى عليه علبه قشطه او ربع كوب كريمه طهى او جبنه سايحه بطعم القشطه 

👍👍👍

 للمعجنات حطى علبه زبادى صغيره مع العجن

👍👍👍
. سر من اسرار الكبسه قبل ماتستوى بعشر دقايق اعصرى برتقاله وارجعى غطيها تكمل سوى .... وانقعى الزبيب فى عصير البرتقال
👍👍👍
. سر الكيك العااااااالى بس تخلصى خلط الكيك حطى اقل من ربع ملعقه صغيره كربونات الصوديوم على نص غطى خل بس تفور وقلبيها على الكيك

👍👍👍

 لنجاح الكيك النار لازم تكون مش عاليه يعنى 180 مش اكتر ....وحطى معلقه خل متخفيش مش بيبان فى الطعم خالص بيخلى الكيك هش وفاتحه وبيشيل ريحه البيض
👍👍👍
وبرضو للمعجنات حطى معلقه خل بيخليه ريحته حلوه اوى وطرى مش بينشف .
👍👍👍
. لو هتشوى فراخ فى الفرن علشان يبقى لونها احمر وطريه امسحى الفرخه بزيت زيتون قبلها بشويه
👍👍👍
. لما تقلى السمك وعايزاه من غير ريحه اول لما تحطى الزيت رشى فيه رشه فانيليا صغيره متخفيش مش بتعمل طعم وانسى الريحه خالص ومتنسيش تدعيلى 

👍👍👍

🍛 اي لحمه او فراخ تسلقيها بلاش تشيليها ع الطول من الشوربة بتاعتها خليها نص ساعه بدون نار في الشوربه علشان اللحمه تبقى طعمها حلو
بس خلى بالك متكونيش مسويه اللحمه او الفراخ اوووى يعنى مهريه لان لوسبتيها فى الشوربه كتير هتتهرى اكتر 

👍👍👍

🍛 حطى الخلطة دى مع الشوربه داايما والخلطة دى بجد بتغير طعم الشوربة وبتكون احلى ⏬
(ورقتين لورا+ فلفل اسود +مستكة +حبهان + كسبرة ناشفه + رشه صغيرة كبابه صينى مطحونة او حبيتين ) 
وتفرغيهم فى برطمان وتضيفى على اى شوربه بتعمليها بيديها طعم وريحه خراافة
👍👍👍
🍛 وانتوا بتسلقوا الفراخ او اللحمة تقطعوا عروق الكرفس بتشيل الزفارة وبتدي ريحة وطعم رائع للشوربة
وعايزة تاكلى احلى فراخ بدون زفاره اغسلى الفرخه كويس جدا وانقعيها فى ميه وملح وخل وبعدين ادعكيها بالدقيق وشطفيها بالميه .. واهم تركه خليها تتصفى كوممعانا ا من الميه وبعدين تتبليها بالملح والفلفل الاسود وتقطعى نص بصلة ونص حبه طماطم فى قلب الفرخة وتقفلى الفرخه وتسبيها ربع ساعة 
وبعدين شويه زيت اوسمنه وحبهان ومستكه ونزلى الفرخه تتشوح وبعدين ضيفى حبه البصل وحبه الطماطم وجزرة وقلبيهم وعليهم البهارات وبعدين الميه 
بس اوعى تزودى الميه يدوب تغطى الفرخة علشان تستمتعى بشوربتها 

😉

  😉